• പ്രിയസഖി…

    Written on 2009.12.31 | Category: കവിതകള്‍ | Author: Eldo Joseph

    ജീവിതം എന്തെന്നറിയാത്ത നാളുകളില്‍ –
    എന്‍ ജീവനേ നീ എന്നു ധരിച്ചിരുന്നു ഞാന്‍…
    മിഴിനീര്‍ മഷിയാക്കി എഴുതിയ താളുകളില്‍
    നിറയെ നിന്‍ നാമം കുറിച്ചിരുന്നു ഞാന്‍…

    നിശയില്‍ മിന്നും നക്ഷത്രം ഓരോന്നില്‍ –
    നിന്‍ മുഖം കണ്ടു തുറിച്ചിരുന്നു ഞാന്‍…
    അറിയുമ്പോള്‍ ഇതെല്ലാം  നിന്‍ നെഞ്ചിനുള്ളില്‍  –
    ഒരിറ്റു സ്നേഹം നിനച്ചിരുന്നു ഞാന്‍…

    പാര്‍ക്കാന്‍ കൊതിച്ച നിന്‍ നെഞ്ചിടങ്ങളില്‍  ,
    ഇതിനോടകം തന്നെ മുറിവേല്‍പ്പിച്ചിരുന്നു ഞാന്‍…
    ഇനി വരും കാലം നിന്‍ സൌഭാഗ്യങ്ങളില്‍ –
    ഒരു മാറാക്കറയായി  പതിഞ്ഞിരിക്കില്ല ഞാന്‍…

    എന്‍ തെറ്റുകുറ്റങ്ങള്‍ എന്തെന്ന് അറിയില്ല…
    മാപ്പപേക്ഷിക്കേണ്ട വിധമേത് അറിയില്ല…
    ഞാന്‍ ചെയ്ത തെറ്റുകള്‍ മറക്കുമോ സഖി നീ ?
    ഞാന്‍ ചെയ്ത കുറ്റങ്ങള്‍ പൊറുക്കുമോ സഖി നീ ?

    ഒരിക്കലും നടക്കാത്ത വഴികളില്‍ അറിയാതെ ,
    എന്നെ കണ്ടെന്നാല്‍ ചിരിക്കുമോ സഖി നീ ?
    ഈ ദുഖഭാരം ചുമക്കുമ്പോള്‍ പതറാതെ ,
    എന്‍ കൈപിടിച്ചുയര്‍ത്തുമോ സഖി നീ ?

    Written By : Eldo Joseph